Sete casas en Francia, Bernardo Atxaga

Este libro nárranos a vida nun posto militar no Congo Belga en 1903, co trasfondo da colonización e a violencia exercida polos europeos sobre os nativos con total impunidade, e sen ningún tipo de remordementos. O capitán Lalande Biran pide cada xoves unha nativa virxe para non contaxiarse de enfermidades, ao tempo que traballa esforzadamente para  enriquecerse mediante o caucho, a caoba e o marfil e cumprirlle os caros caprichos á súa esposa que o agarda en París...pero a traizón e a envexa , a luxuria e a cobiza axexan...

Galicia de lenda, González Reboredo e Vilar Álvarez

   Na biblioteca temos algún libro precioso sobre lendas de Galicia, como este subtitulado "Galicia para soñar", que está editado por Hércules edicións. É un libro de consulta grande, cunhas preciosas fotos que ilustran os textos. Nel podemos atopar un estudio introductorio do antropólogo Gónzalez Reboredo sobre os temas e personaxes do noso lendario, moi rico e variado, e un montón de lendas, como "O lobishome", "O tesouro dos Castros", "O Pico Sacro"...

 Son moi interesantes as explicacións sobre as nosas lendas..por exemplo, por que os castros son atribuídos aos mouros?
Porque os vellos heroes son esquecidos e substituídos por outros máis recentes.Aínda que Galicia non viviu sistematicamente a ocupación dos musulmáns si notou a presión da súa presencia en terras máis meridionais.O mouro foi elevado á categoría de "outro" por antonomasia  e aplicouse este termo para explicar calquera cousa ou feito do pasado que non se pode explicar por outra vía.
Por que hai seres do imaxinario femininos, belísimas , con riquezas..que se aparecen a homes?
Pois serviu no medievo para dotar ás familias fidalgas dun superior estatus,no caso por exemplo da muller serea, pero tamén para xustificar a endogamia no propio grupo e de camada socio-económica, como no caso da muller serpe, que non pode ser desencantada.

Cartas de inverno

Este libro gustoume moito, xa que é un destes libros dos que non podes deixar de ler, é un libro triste, misterioso, etc, no que todo pode dar un xiro ao final. No principio estaba un pouco perdida porque pasaba de falar un a falar outro e non me enteraba moito, pero o final si.

ELA , MALDITA ALMA

o libro ELA,MALDITA ALMA e un libro moi interesante, que consta de varios relatos . Cada un deles trata un tema interesante. SERGIO

OS BIOSBARDOS

O libro en sí gustoume, está algo difícil pola linguaxe que utiliza pero así que vas lendo faise máis doado.
Algo que me chamou bastante a atención e que a maioria dos contos se desenrolan nun ambiente de aldea a que él chama "Aura", pero que en realidade e Ourense.
Si e verdade que non conta moito en cada historia, que simplemente son pequenos capítulos da vida de varios persoaxes, pero o pouco que conta faino moi ben.
Son oito contos e quizáis o que máis me gustou foi o de "A arrasadeira", porque algunha vez me sentín identificada polo xogo, e o que menos, "O noxo".

Cor Gris Vida

Sinceramente,encantoume, é un libro curto e sinxelo de ler,
pero ó mesmo tempo, é un libro ó que se lle poden sacar moitas cousas.
Gustoume a maneira que ten o autor de contar os sucesos, enlazandoos, facendolle percatarse a protagonista que aínda que a súa familia non a entenda, si que o poden facer outros.

Os vellos non deben namorarse - Castelao

Son tres actos teatrales. Os actos non teñen nada que ver entre si, só teñen en común historias de amores de xente maior.
O principio (sobre todo nalgún acto) é dificil seguir o fio da historia, pero o final, nas últimas páxinas sempre se acaba comprendendo todo.
A min persoalmente fui un dos libros de Castelao que máis me gustou de Castelao, lese moi rápido e ten unha fácil comprensión para calquera idade.

"O LAPIS DO CARPINTEIRO" MANUEL RIVAS

O lapis do carpinteiro é unha obra moi interesante, xa que plasma perfectamente o vivido en Galicia durante a Guerra Civil xunto con unha engaiolante historia de amor que, por sorte, acaba ben. É unha historia que non esconde nada: deixa ver todo,ata o máis duro da realidade, que me parece moi ben, por certo, así podemos ver con claridade todo. Recoméndoa a todo aquel que lle guste temas relacionados ca guerra e que non lle importe botar algunha bágoa polo camiño.

Os Biosbardos- Eduardo Blanco Amor

Son varios relatos (oito concretamente), as historias non están mal pero están nun linguaxe antigo e culto, é dicir, de dificil comprensión.
O libro e curto. A miña opinión persoal e que o leades que vos gustara moito, ainda que sexa de dificil comprensión animádevos porque finalmente merece a pena.

A cidade maldita, Xelucho Abella Chouciño

Este libro gustoume. Recomendollo a xente que lle gusta a aventura.Trata dun rapaz chamado Cibrán que un día no parque encontrou un medallón e trasládase a unha época distinta. Alí pensan que é o elixido, ten que pasar moitas probas para salvar a cidade.

Nuria Rodríguez Gómez

TONECHO DE REBORDECHAO

AUTOR:BREOGAN RIVEIRO.

Rebordechao é unha aldea que se atopa no cu do mundo. Nela vive Tonecho un rapaz que vivía na cidade e que tivo que vir para a aldea por causa de un accidente no que lle morreron os pais pero na aldea vive cos seus avos. De repente Tonecho empeza a oir rumores de que había un asasino en Rebordechao hai tempo e entón Tonecho enpeza a investigar e comeza unha aventura moi emocionante.

Este libro gustoume moito, é un libro moi emocionante é un dos poucos libros nos que me metín na historia como se fose o protagonista. Tamen é un pouco bravo e di cousa pouco normales e educativas pero recomendo este libro para calquera persoa que estea dende sexto para diante.

O CAN DOS BASKERVILLE, Arthur Conan Doyle

O can dos Baskerville e unha novela de Arthur Conan Doyle, no que Sherlock Holmes e Watson resolven un misterio no que unha fera está matando a todos os descendentes da familia dos Baskerville. O último dos descendentes pídelle axuda para que descubra a fera e a mate. Sherlock Holmes e Watson enrolanse nesta fascinante aventura na que pasaran moitas aventuras intentando descubrir á misteriosa fera que está acosando ao último descendente.

O libro gustoume moito , porque é de misterio e a min gústame moito o misterio. É moi interesante e ten un enigma increible , sobre todo porque ten moitos personaxes e non sabes quen será o dono da incrible fera. O malo que ten o libro é que polo medio xa sabes quen é o dono da fera. Aínda así , é moi interesante como pillan ao culpable.

JORGE GARCÍA DEL RÍO

Quérote de Úrsula Heine

A min o libro gustoume moito porque é moi bonito e trata moito sobre os sentimentos. O que menos me gustou foi que Ancor foi moi malo con Sabela ao deixala así. E tampouco me gustou o de que despreciaran a Yvonne por ser de outro país. Recoméndollo a xente que lles guste falar sobre os sentimentos e que non lles gusten os desprecios.

Tonecho de Rebordechao, Breogán Riveiro

Tonecho de Rebordechaovai dun neno que vive nunha aldea moi difícil de atopar. Él é o único rapaz que hai na vila por iso di que é o máis guapo de todos. O seu avó empézalle a contar historias que pasaron e iso fai que comeen a sucader pensamentos extraños.

Este libro paréceme moi bonito e intrigante. Eu pensaba que os contos que dicían eran mentira e que só se usban para darlle medo aos rapaces pequenos, pero resulta que case todo o que dicían as historias eran verdade. O que máis me gustou foi que ao final o rapaz se apiada da loba e a deixa marchar en paz.

Aconséllolle este libro aos que lle gusten as historias de intriga.

A cidade maldita , Xelucho Abella Chouciciño

Gustoume moito o libro e recoméndollo a xente que lle guste o misterio e as aventuras.Trata de que un neno chamado Cibrán, xogando no parque,atopa un medallón que ao collelo desaparece da época actual e aparece nun lugar diferente.A xente cando o ve pensa que é a persoa que a quitará da malcición e alí vive moitas aventuras ata que consigue volver a súa casa.

Alicia no Pais das Maravillas Lewis Carrol

O libro é adecuado para ás persoas que están algo tolas posto que os personaxes están todos como unha choca.
A historia atrae moito e podes aprender unha chea de refráns ingleses.

O libro trata sobre unha rapaza chamada Alicia que, accidentalmente cae polo tobo dun coello e vai parar a unhas terras inimaxinables. Todo está fora do normal e Alicia atópase cuns seres moi raros como: un gato que desaparece, unha lebre que non dí mais que parvadas, unha raíña que corta cabezas e resulta que o personaxe mais normal, e o Sombrereiro que está tolo de remate.
Alicia ao final acáballe chamando a ese mundo, O Pais das Maravillas.(o nome séntalle moi ben).

Memorias de Viriato, Andrés Teixeiro

A min o libro "Memorias de Viriato" de Andrés Teixeiro gustoume moito. Trátase dunha xabarín que vivía en cautividade. Un día fora abandonada no monte polo seu dono. Alí foi coñecendo novos animais e sobrevivir aos cazadores. Tivo unha familia e tivo que coidar dos seus fillos (dous machos e dúas femias) pero tivo a desgraza de que lle morreran os seus catro raións.Un caéralle por un barranco e os outros tres foran matados polos cazadores. Decidira volver a onde naceu.

As bruxas, Roald Dahl

Este libro foi un dos que mais me gustou.É moi interesante.Mestura o misterio coa fantasía. Trata dun rapaz ao que lle morren seus pais e vai vivir coa súa avoa. A partir de aí empezan a ocorrer cousas moi interesantes. É os dous viven unha aventura.Tuvo un final inesperado pero moi bonito.

Pel de lobo,Xosé Miranda

O libro trata sobre un pai e un fillo(Fulxencio e Xosé) que tiñan sonda de bos tiradores. Chamáronos dun pobo de lonxe, do Incio, para matar un lobo verdareiramente perigoso.

Pero chegan alí, e o lobo resulta ser algo nunca visto. Entre outras cousas Xosé namórase

dunha das fillas, e quedou a vivir alí.

Este libro non me gustou moito, a verdade. Era difícil de entender, e ademais tiña unha linguaxe algo raro, da provincia de Lugo.Recomendariallo aos que lle guste a caza e a vida destes.

Os dous de sempre de Castelao

Este libro non me gustou moito porque ten un vocabulario complicado que o fai dificil de entender. Os seus protagonistas Pedor e Rañolas mostrannos dous estilos de vida completamente distintos que son propios da epoca na que Castelao escribiu este libro.

A Pedro déronlle unha vida privilexiada dende a súa infancia ata que casou. En cambio a vida de Rañolas foi todo o contrario, tuvo que emigrar cando tiña poucos anos en busca de unha vida mellor.

Silvia Pena 4ºA